CHINA | Macau 澳門1日遊

港澳之旅: 澳門 (1/2) 香港 (2/2)

辭職後趁返馬來清明,而安排嘅轉機行程。港澳係90年代華僑成長回憶,每一街坊路名皆能朗朗上口、字字入心。

Macau Travel

Day 1 KLIA to Macau 吉隆坡出發

朝早因為貪瞓而錯失雲吞麵同糯米雞,同長輩傾咗幾句,就出發由太平坐火車往吉隆坡。喺NU Sentral換咗3500港紙,再到機場買馬蹄酥做手信,禮多人不怪。

飛機準時起飛,漂泊咁耐鄉下喺邊度都已經唔太清楚。澳門機場被兩位便衣查問,用廣東話簡單交待後甩身。Karsoon到機場接風,搭的返到位於北區嘅住宅大廈,卅樓高層,望過對面樓仍然見到住客用緊電腦,距離誇張近。

Day 2 Macau Peninsula 澳門半島

早晨吃完茶餐廳到Karsoon嘅設計工作室參觀,帶走一個旅行背囊。

Macau Street 澳門街市

跟住高德地圖行,穿越街市同唔少斜路,前往主要景點大三巴。

Macau Local Culture 澳門在地文化

沿途嘅土地神位,港澳人嘅特色文化。

Macau Ruins of St. Paul 澳門大三巴牌坊

清明時節雨紛紛,無藍天白雲襯托,有少許失望。教堂述說著聖保羅嘅事蹟,聯想起馬六甲聖方濟。

Macau Museum 澳門大砲台

砲台面向葡京,大砲一響,黃金萬兩的寫照。

San Domingo's Church 澳門玫瑰教堂

路過玫瑰聖母堂,教堂內氣氛尤似巴洛克教堂,唔怪之得一路上咁多菲律賓遊客。

Senado Square 澳門議事亭前地

世界文化遺產議事廳前廣場,買咗一張明信片。毛毛雨中繼續向南,路上都係斜巷,遇上三工清明假,好多舖頭都無開。

阿婆井對巷內的鄭家大屋,榮祿第牌匾以及精緻嘅裝修,呈現優雅的官祿世家。

Macau Mandarin's House 鄭家大屋

阿婆井前地一棵假菩提,用一杯咖啡提神。

Macau Lilau well 亞婆井前地

澳門斑馬線前行人優先,樂活嘅生活步調確係唔同。媽閣廟前樹蔭下休息,行咗大半個澳門。

A-Ma Temple Macau 媽閣廟旅遊

和手而拜,保佑今年建築師考試金榜題名,闔家平安。原途折返到議事廳廣場,路經聖老楞佐堂。

St. Lawrence's Church Macau 聖老楞佐堂

下昼街市店鋪終於開門,人潮突然間洶湧。廣場附近搵到匿係巷仔嘅三街會館,拜會關公廟。

Pagode Sam Cai Vu Cun Heritage Macau 三街會館

牌坊前等候,未見天氣預報上所說短暫陽光,唯有提早結束旅遊。搭10A公交到科學館,咖啡鋪內寫緊日記、明信片,及等候好耐無見嘅保育員卡門收工。

Macau Casino 澳門賭場

連假餐廳一位難求,參觀完豪華賭場,到隔離街嘅茶室聚舊。

係永利大廳Karsoon接返我隻迷途大羔羊,兩萬步嘅澳門一日遊。

Macau Travel Map

文章接續香港旅遊篇

發佈留言

發佈留言必須填寫的電子郵件地址不會公開。 必填欄位標示為 *